លោកឧត្តមសេនីយ៍ទោ សេង សុគន្ធ អញ្ជេីញចូលរួមពិធីបើកកិច្ចសវនកម្មផ្ទៃក្នុង សម្រាប់ការិយបរិច្ឆេទ ឆ្នាំ២០២៤ និងបណ្តាឆ្នាំពាក់ព័ន្ធ នៅស្នងការដ្ឋាននគរបាលខេត្តប៉ៃលិន

 

ប៉ៃលិន៖ នៅថ្ងៃចន្ទ ទី៩ ខែមិថុនា ឆ្នាំ២០២៥ លោកឧត្តមសេនីយ៍ទោ សេង សុគន្ធ ស្នងការនៃស្នងការដ្ឋាននគរបាលខេត្តប៉ៃលិនបានអញ្ជេីញចូលរួមក្នុងពិធីបើកកិច្ចសវនកម្មផ្ទៃក្នុង សម្រាប់ការិយបរិច្ឆេទ ឆ្នាំ២០២៤ និងបណ្តាឆ្នាំពាក់ព័ន្ធ ក្រោមអធិបតីភាព លោកឧត្តមសេនីយ៍ឯក សាន ស៊ីណា ប្រធាននាយកដ្ឋានសវនកម្មទី១ នៃអគ្គនាយកដ្ឋានសវនកម្មផ្ទៃក្នុង នៅស្នងការដ្ឋាននគរបាលខេត្តប៉ៃលិន ។ 

ពិធីនេះដែរមានការអញ្ជើញចូលរួមពីប្រតិភូសវនករ លោក លោកស្រី ស្នងការរង លោកនាយការិយាល័យ នាយរងការិយាល័យជំនាញ លោកអធិការ-អធិការរងក្រុង ស្រុក លោកមេបញ្ជាការ-មេបញ្ជាការរងវរសេនាតូចនគរបាលការពារព្រំដែនគោកនិងលោកមេប៉ុស្តិ៍ទាំង០៨ ឃុំ សង្កាត់ ។

លោកឧត្តមសេនីយ៍ទោ សេង សុគន្ធ បានឡើងធ្វើបទអន្តរាគមន៍ និងរាយការណ៍សង្ខេបអំពីលទ្ធផលកិច្ចប្រតិបត្តិការ ដែលសម្រេចបានកន្លងមក ក្នុងនោះដែរលោកស្នងការ បានណែនាំដល់ជំនាញពាក់ព័ន្ធឱ្យយកចិត្តទុកដាក់ សហការ អនុវត្តតាម អនុសាសន៍ណែនាំរបស់គណៈប្រតិភូសវនកម្មផ្ទៃក្នុង ក្រសួងមហាផ្ទៃ ។

លោកឧត្តមសេនីយ៍ឯក សាន ស៊ីណា ប្រធាននាយកដ្ឋានសវនកម្មទី១ និងជាប្រធានគណៈប្រតិភូ នៃអគ្គនាយកដ្ឋានសវនកម្មផ្ទៃក្នុងបានកោតសរសើរ និងវាយតម្លៃខ្ពស់ ចំពោះកិច្ចខិតខំប្រឹងប្រែង អនុវត្តតួនាទីភារកិច្ចបំពេញការងារកន្លងមក និងមានការរីកចម្រើនជាបន្តបន្ទាប់របស់ស្នងការដ្ឋាននគរបាលខេត្តប៉ៃលិន ។

លោកឧត្តមសេនីយ៍ឯក សាន ស៊ីណា បានបន្តមានប្រសាសន៍ថា អំពីការចុះធ្វើសវនកម្មនាពេលនេះ ក្នុងគោលបំណងផ្តោតសំខាន់លើការពង្រឹងអភិបាលកិច្ច និងសុច្ចរិតភាព របស់អង្គភាព និងត្រួតពិនិត្យ កែលម្អ នូវរាល់ចំណុចខ្វះខាត ដើម្បីជំរុញប្រសិទ្ធភាពតម្លាភាព និងការីកចម្រើន នៅក្នុងអង្គភាពនីមួយៗ ចំណុះក្រសួងមហាផ្ទៃ ។

ប្រភព៖ ស្នងការដ្ឋាននគរបាលខេត្តប៉ៃលិន