លោកត្រាំ និយាយថា អាមេរិកនឹងរៀបចំកិច្ចចរចានុយក្លេអ៊ែរជាមួយអ៊ីរ៉ង់នៅ សប្តាហ៍ក្រោយ

 

THE HAGUE/TEL AVIV/ISTANBUL, June 25 (Reuters) - នៅថ្ងៃពុធ ប្រធានាធិបតីសហរដ្ឋអាមេរិក លោក ដូណាល់ ត្រាំបាននិយាយថា លោកទំនងជានឹងស្វែងរកការប្តេជ្ញាចិត្តពីប្រទេសអ៊ីរ៉ង់ ដើម្បីបញ្ចប់ មហិច្ឆិតានុយក្លេអ៊ែររបស់ប្រទេសនេះ នៅក្នុងកិច្ចពិភាក្សានាសប្តាហ៍ក្រោយ និងបានសរសើរចំពោះការវាយ ប្រហាររបស់សហរដ្ឋអាមេរិកទៅលើអ៊ីរ៉ង់ ដែលនាំមកនូវការបញ្ចប់សង្រ្គាមរយៈពេលខ្លីរវាងអ៊ីស្រាអែល និងទីក្រុងតេអេរ៉ង់។

លោកត្រាំ បានហៅលទ្ធផលនៃការសម្រេចចិត្តរបស់លោកក្នុងការទម្លាក់គ្រាប់បែកបំផ្ទុះដ៏ធំនៅក្នុងការវាយ ប្រហារកាលពីថ្ងៃអាទិត្យ ដែលបានបំផ្លិចបំផ្លាញកម្មវិធីនុយក្លេអ៊ែររបស់ប្រទេសអ៊ីរ៉ង់ថាជា "ជ័យជំនះ សម្រាប់អ្នករាល់គ្នា"។

លោកបាននិយាយថា "កម្មវិធីនោះគ្រោះថ្នាក់ណាស់ វាគឺជាការបំផ្លិចបំផ្លាញ។" ដោយព្រងើយកន្តើយចំពោះ ការវាយតម្លៃដំបូងដោយទីភ្នាក់ងារស៊ើបការណ៍សម្ងាត់ការពារជាតិអាមេរិក ដែលថាការកសាងអាវុធនុយ ក្លេអ៊ែររបស់អ៊ីរ៉ង់អាចនឹងត្រឡប់មកវិញត្រឹមតែប៉ុន្មានខែប៉ុណ្ណោះ។

ទន្ទឹមនឹងនេះ ប្រជាជនអ៊ីរ៉ង់ និងអ៊ីស្រាអែលដែលមានការព្រួយបារម្ភបានស្វែងរកការរស់នៅបែបធម្មតា ឡើងវិញ បន្ទាប់ពីរយៈពេល ១២ ថ្ងៃនៃការប្រឈមមុខដាក់គ្នាខ្លាំងបំផុតមិនធ្លាប់មានរវាងសត្រូវទាំង០២ ដែលមានបទឈប់បាញ់បានចូលជាធរមានកាលពីថ្ងៃអង្គារ។