ខ្មាន់កាំភ្លើងបានសម្លាប់ទាហានចំនួន ១៧នាក់នៅក្នុងការវាយប្រហារភាគខាង ជើងប្រទេសនីហ្សេរីយ៉ា

 

LAGOS, June 25 (Reuters) - កាលពីថ្ងៃពុធ ប្រភពសន្តិសុខ និងមន្ត្រីក្នុងតំបន់បាននិយាយថា យ៉ាងហោចណាស់ទាហានចំនួន ១៧ នាក់ ត្រូវបានសម្លាប់នៅភាគខាងជើងប្រទេសនីហ្សេរីយ៉ា នៅពេល ដែលខ្មាន់កាំភ្លើងបានវាយលុកមូលដ្ឋានទ័ពចំនួន០៣ ដែលជាការវាយប្រហារចុងក្រោយបំផុតនៅក្នុងតំបន់ ដែលញាំញីដោយអំពើហិង្សា។

ក្រុមអន្ធពាលប្រដាប់អាវុធដែលកំពុងប្រតិបត្តិការនៅភាគពាយ័ព្យ ដែលគេស្គាល់ថាជាក្រុមចោរព្រៃ ជាធម្មតា ចូលរួមនៅក្នុងការចាប់ជំរិតដើម្បីប្រាក់រំលោះ និងកំណត់គោលដៅវាយប្រហារកងកម្លាំងសន្តិសុខ។

កងទ័ពនីហ្សេរីយ៉ាបានបញ្ជាក់ពីការវាយប្រហារកាលពីថ្ងៃអង្គារ ប៉ុន្តែមិនបានផ្តល់ព័ត៌មានលម្អិតទេ។

កងទ័ពបាននិយាយនៅក្នុងសេចក្តីថ្លែងការណ៍ថា "គួរឱ្យសោកស្ដាយ អ្នកចម្បាំងដ៏ក្លាហានមួយចំនួនបាន លះបង់ខ្ពស់បំផុតនៅក្នុងការប្រយុទ្ធពេញ០១ថ្ងៃ ខណៈដែលកងទ័ពរងរបួសដោយគ្រាប់កាំភ្លើងចំនួន ០៤ នាក់ កំពុងទទួលការព្យាបាល"។