ផ្អើលដល់អាជ្ញាធរ! ម្នាក់ឯងក៏អាចធ្វើ "Online Scam" បានដែរ៖ បង្រ្កាបទីតាំងឆបោកបច្ចេកវិទ្យាក្នុងក្រុងសិរីសោភ័ណ

 

នរណាថាការឆបោកតាមប្រព័ន្ធអនឡាញ (Online Scam) ទាល់តែមានបក្ខពួកច្រើនទើបធ្វើកើត? ជាក់ស្តែង! កម្លាំងសមត្ថកិច្ចខេត្តបន្ទាយមានជ័យ ទើបតែបានបង្រ្កាបករណីឆបោកមួយកន្លែង ដែលជនសង្ស័យម្នាក់ឯងគត់ បើកការិយាល័យប្រព្រឹត្តបទល្មើសដោយខ្លួនឯង!

ហេតុការណ៍នេះបានកើតឡើងកាលពីរសៀលថ្ងៃទី០៨ ខែកក្កដា ឆ្នាំ២០២៦៖

ក្រោមការចង្អុលបង្ហាញពី ឯកឧត្តម អ៊ុំ រាត្រី អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្ត លោក ហ៊ឹល រ៉ាយ៉ា អភិបាលរងខេត្ត បានដឹកនាំកម្លាំងចម្រុះចុះត្រួតពិនិត្យគោលដៅសង្ស័យចំនួន ០៣ទីតាំង ក្នុងក្រុងសិរីសោភ័ណ ដោយមានការសម្របសម្រួលនីតិវិធីពីលោក មុត សម្បត្តិ ព្រះរាជអាជ្ញារងនៃអយ្យការអមសាលាដំបូងខេត្ត។

លទ្ធផលនៃការចុះបង្រ្កាប៖

សមត្ថកិច្ចបានរកឃើញទីតាំងប្រព្រឹត្តបទល្មើសចំនួន ០១កន្លែង ស្ថិតក្នុងភូមិសូភី សង្កាត់កំពង់ស្វាយ ដែលមានជនសង្ស័យឈ្មោះ ស៊ុន វីរៈ អាយុ ២២ឆ្នាំ ជាអ្នកគ្រប់គ្រង និងធ្វើសកម្មភាពតែម្នាក់ឯង។

វត្ថុតាងដែលដកហូតបានរួមមាន៖

 កុំព្យូទ័រលើតុ (Desktop) ចំនួន ០១ឈុត (ម៉ូនីទ័រ, ធុង CPU និងក្តារចុច)។

បច្ចុប្បន្ន ជនសង្ស័យរូបនេះ ត្រូវបានកម្លាំងជំនាញបញ្ជូនទៅកាន់ស្នងការដ្ឋាននគរបាលខេត្ត ដើម្បីសាកសួរ និងធ្វើកោសល្យវិច្ច័យបន្តតាមនីតិវិធីច្បាប់។

សារជូនដំណឹង៖ សូមបងប្អូនប្រជាពលរដ្ឋទាំងអស់ មានការប្រុងប្រយ័ត្នខ្ពស់ចំពោះរាល់ការជួញដូរ ឬការរកស៊ីតាមប្រព័ន្ធអនឡាញ ដែលមានភាពមិនប្រក្រតី។ សមត្ថកិច្ចយើងនឹងបន្តតាមដាន និងបង្ក្រាបរាល់បទល្មើសទាំងឡាយ ដើម្បីរក្សាសុវត្ថិភាពសង្គម!

*ប្រភព៖ ព័ត៌មានទាន់ហេតុការណ៍ ២៤ម៉ោង ដោយលោក ហ៊ីង ចាន់ថន (សារព័ត៌មាន SNTV ប្រចាំខេត្តបន្ទាយមានជ័យ)*

#ខេត្តបន្ទាយមានជ័យ #បង្រ្កាបបទល្មើស #OnlineScam #សន្តិសុខសង្គម #ក្រុងសិរីសោភ័ណ