ហេតុអ្វីបានជាលោក Michael Alfaroល្បីខុសប្លែកគ្នារវាងនៅកម្ពុជា និងថៃ?

 

កាលពីចុងសប្តាហ៍មុន គ្រាន់តែវត្តមានរបស់លោកMichael Alfaro នៅកម្ពុជាធ្វើឲ្យពិភពលោកបានដឹងឮអំពីការឈ្លានពានរបស់ថៃមកលើកម្ពុជាតាមរយៈវីដេអូ live របស់គាត់ដែលមានអ្នកចូលមើលរាប់លាននាក់។

ប្រជាជនកម្ពុជាបានថ្លែងអំណរគុណ និងឲ្យតម្លៃលោកខ្លាំងណាស់ដែលបានមកជួយផ្សព្វផ្សាយពីកម្ពុជានាពេលនេះ។ 

ប៉ុន្តែនៅដើមសប្តាហ៍នេះ វត្តមានលោក Michael Alfaro នៅប្រទេសថៃ ត្រូវបានចាត់ទុកត្រឹមថាអ្នកឆ្លើយសេតវិមានក្លែងក្លាយទៅវិញ។

 នេះគឺជាភាពខុសប្លែកគ្នានៃជ្រុងមួយរវាង ប្រជាជនកម្ពុជា និងថៃ។ ដូច្នេះភាពខុសប្លែកគ្នានៅត្រង់ថាកម្ពុជាចង់បង្ហាញប្រាប់ទៅពិភពលោកពីការឈ្លានពានរបស់ថៃ ប៉ុន្តែថៃមិនចង់បង្ហាញទង្វើរបស់ខ្លួនឱ្យពិភពលោកដឹង។

សូមបញ្ជាក់ថានៅក្នុងសំណេរសង្ខេបព័ត៌មានរបស់ខ្ញុំកាលពីម្សិលមិញ÷ លោក Gary Franchi អ្នកឆ្លើយឆ្លងព័ត៌មានពីសេតវិមាន បានបញ្ជាក់ហើយថាលោក Michael Alfaro មិនមែនមកកម្ពុជាសម្រាប់ប្រាក់កម្រៃដែលចំណាយដោយនរណាម្នាក់ ឬការចំណាយរបស់រដ្ឋាភិបាលកម្ពុជានោះទេ។ លោករ៉ាប់រងការធ្វើដំណើររបស់គាត់ និងការចំណាយផ្សេងៗដោយខ្លួនឯង។ 

គាត់គឺជាទីប្រឹក្សាប្រធានាធិបតីសហរដ្ឋអាមេរិក Donald  Trump ជាអ្នកទំនាក់ទំនងការទូត និងជាអ្នកយុទ្ធសាស្រ្តអាមេរិកមួយរូប។ លោកមកកម្ពុជា ដើម្បីបំភ្លឺពីទុក្ខលំបាករបស់ប្រជាជនកម្ពុជាប្រាប់ពិភពលោក។ លោកGary Franchi បន្ថែមថា ប្រជាជនកម្ពុជា និងពិភពលោក សមនឹងទទួលបានសន្តិភាព។ ការពិតមិនអាចនៅស្ងៀមបានទេ។

និយាយជារួម ទោះបីលោកMichael Alfaroជានរណាមិនសំខាន់ សំខាន់លោកបានមកជួយផ្សព្វផ្សាយពីការឈ្លានពានរបស់ថៃមកលើកម្ពុជាឲ្យពិភពលោកបានដឹង។