មេបញ្ជាការរងខេត្តសៀមរាបម្នាក់ ដែលបានប្រើហិង្សាលើស្ត្រីម្នាក់នៅ KTVបឹងកក់ រាជធានីភ្នំពេញ ស្ថិតក្រោមការត្រួតពិនិត្យតាមនីតិវិធី

 

បើតាមអ្នកនាំពាក្យ ករណីនេះកើតឡើងកាលពីវេលាយប់ថ្ងៃទី ៧ ខែ សីហា ឆ្នាំ ២០២៥ នៅវេលាម៉ោង ២១:៣៥ នាទី មានភ្ញៀវមួយក្រុុមជិះរថយន្ត Lexus 570 ពណ៌ខ្មៅ ស្លាកលេខ AN-1211 ភ្នំពេញ និង រថយន្ដ Range Rover ពណ៌ខ្មៅមួយគ្រឿងស្លាកលេខ 2BH-1211 ភ្នំពេញ ចូលទៅផឹកស៊ីច្រៀងខារ៉ាអូខេនៅបន្ទប់លេខ ៦៦៦៦ ។  បន្ទាប់ពីផឹកស៊ីស្រវឹង ភ្ញៀវបុរសទាំងនោះបានអុកកែវខ្លាំងបណ្ដាលអោយបែកកញ្ចក់តុកអស់ចំនួន ៣ ។  រហូតដល់ម៉ោងជាង១រំលងអាធ្រាត្រឈានចូលថ្ងៃទី ៨ សីហា ឆ្នាំ២០២៥ ក្រុមភ្ញៀវទាំងនោះហៅគិតលុយ មេការក៏បានគិតលុយទាំងថ្លៃបែកកញ្ចក់៣ សរុបទាំងអស់ជាង ១០០០ ដុល្លារ ។  ដោយឃេីញមេការគិតលុយទាំងថ្លៃបែកកញ្ចក់តុក៣ ចំនួន ៤៥០ ដុល្លារ ភ្ញៀវម្នាក់ដែលទំនងជាមេគេ បានទះកំភ្លៀងមេការជាច្រេីនដៃហេីយនាំគ្នាដេីរចេញទៅឆ្លងកាត់កាមេរ៉ាសុវត្ថិភាពដូចគ្មានរឿងអីកេីតឡេីង ។

ខណៈពេលនេះដែរជនរងគ្រោះបាននិងកំពុងរៀបចំដាក់ពាក្យបណ្ដឹងប្ដឹងអ្នកបង្ករអំពេីហឹង្សាអោយសមត្ថកិច្ចចាត់ការតាមផ្លូវច្បាប់ ។