នាយករដ្ឋមន្ត្រីស្តីទីថៃ ប្រកាសមិនគាំទ្រការបញ្ជូន«ឡានដឹកលាមក»វាយប្រហារលើកម្ពុជា ដែលប្រឈមមុខច្បាប់អន្តរជាតិ

 

ថៃ៖ ប្រមុខនាយរដ្ឋមន្រ្តីស្តីទីថៃលោក ភូមថាំ វេឆាយ៉ាឆៃថា នៅល្ងាចថ្ងៃទី ២៨ ខែ សីហានេះបានចេញមុខស្តីបន្ទោសក្រុមជ្រុលនិយមថៃដែលបញ្ជូនឡានដឹកលាមកប្រមាណ ១៤ គ្រឿងទៅកាន់ខេត្តស្រះកែវ ហើយគ្រោងនឹងប្រើឡានបាញ់លាមកមកកាន់ពលរដ្ឋកម្ពុជា។ លោកថាបើក្រុមជ្រុលនិយមធ្វើសកម្មភាពបែបនេះមែនថៃនឹងប្រមុខនិងតុលាការអន្តរជាតិ និងគ្មានមុខមាត់ក្នុងអន្តរជាតិឡើយ។

លោក ភូមថាំ វេឆាយ៉ាឆៃ បានចាត់ទុកសកម្មភាពក្រុមជ្រុលនិយមថៃនេះមិនពាក់ព័ន្ធជាមួយាការសម្រេចចិត្តរបស់រដ្ឋាភិបាលថៃឡើយ។លោកបានសង្កត់ធ្ងន់ថា ប្រជាជនថៃត្រូវតែមានការប្រុងប្រយ័ត្ន ដើម្បីធានាឱ្យប្រជាជាតិដទៃយល់ពីស្ថានភាពនេះ ព្រោះថាសកម្មភាពបែបនេះអាចនាំឱ្យមានបញ្ហាទាក់ទងនឹងទឹកដី និងបញ្ហាផ្សេងៗទៀត ដែលអាចអូសទាញប្រទេសថៃទៅកាន់តុលាការពិភពលោក។

សម្រាប់លោក ភូមថាំ វេឆាយ៉ាឆៃ លោកមិនហាននិយាយច្រើនទៀតទេខ្លាចពលរដ្ឋថៃចោទលោកថា «ជនជាតិថៃមានបេះដូងខ្មែរ»។