ឯកឧត្តម ខៀវ កាញ៉ារិទ្ធិ៖ កាលពីថ្ងៃមុន ខ្ញុំបាននិយាយរួចហើយគឺថៃយកសង្គ្រាមព្រំដែនដើម្បីស្តារឥទ្ធិពលកងទ័ពខ្លួនដែលធ្លាក់ចុះ តែនៅមានចំណុចមួយទៀតដែលមនុស្សជាច្រើនមិនទាន់មើលឃើញ

ឯកឧត្តម ខៀវ កាញ៉ារិទ្ធិ៖ កាលពីថ្ងៃមុន ខ្ញុំបាននិយាយរួចហើយគឺថៃយកសង្គ្រាមព្រំដែនដើម្បីស្តារឥទ្ធិពលកងទ័ពខ្លួនដែលធ្លាក់ចុះ តែនៅមានចំណុចមួយទៀតដែលមនុស្សជាច្រើនមិនទាន់មើលឃើញ ។ នោះគឺអនាគតនយោបាយរបស់លោក ឃ្លាំង មេយោធិភូមិភាគ ២ ថៃ ដែលដុតរឿងរហូត ។ លោកឃ្លាំងដល់ពេលដែលត្រូវបញ្ចប់អាជីពរបស់ខ្លួន ( ចូលនិវត្តន៍ ) តែលោកឃ្លាំងមានសង្ឃឹមតិចណាស់ដែលបានតំណែងជារដ្ឋមន្ត្រីមួយកន្លែងនៅក្នុងរដ្ឋាភិបាល ហេតុនេះទិសដៅធំបំផុតរបស់លោកឃ្លាំង គឺឧត្តមក្រុមប្រឹក្សាព្រះមហាក្សត្រ ។ នៅលើកន្លែងនេះលោកឃ្លាំងមានសង្ឃឹមច្រើនបើគាត់ប្រឹងសំញេញធ្មេញជាមួយកម្ពុជា ព្រោះសមាជិកក្រុមប្រឹក្សាព្រះមហាក្សត្របច្ចុប្បន្នសុទ្ធតែចាស់ហើយរើសដោយព្រះមហាក្សត្រមុន មិនទាន់មានអ្នកណាមួយរើសដោយមហាក្សត្របច្ចុប្បន្ននេះទេ ។ ព្រះមហាក្សត្របច្ចុប្បន្នជាយោធាអាជីព ហើយ កាលមិនទាន់ឡើងរាជ្យព្រះអង្គត្រូវគេរិះគន់ច្រើន ហេតុនេះព្រះអង្គត្រូវបង្ហាញរូបភាពថ្មី ។ ពេលនេះ អ្នកនៅជុំវិញព្រះអង្គសុទ្ធតែត្រូវបំពាក់សក្តិចូលជាយោធាទាំងអស់ ដែលជាជំហានមួយមិនមែនគ្រាន់តែបង្ហាញថា ព្រះមហាក្សត្រជាមេលើកងទ័ពទេ តែមហាក្សត្រថៃនិងកងទ័ពថៃគឺតែមួយ ។ នេះជាច្រកសង្ឃឹមរបស់លោកឃ្លាំង ហើយដែលខ្ញុំតែងទូន្មានទៅបងប្អូនខ្មែរយើង កុំបង្ហោះរូបភាព ឬ និយាយអ្វីប៉ះពាល់ដល់មហាក្សត្រថៃ ព្រោះគេក៏មិនប៉ះពាល់មកលើយើងដែរ និង ដើម្បីកុំធ្លាក់ចូលអន្ទាក់ជំរុញអោយស្ថាបន័កំពូលថៃឈានដល់កម្រិតដាច់ខាត ( radicalization ) ជាមួយកម្ពុជា ដូចសម្តេចតេជោតែងលើកឡើងថា «កុំបិទផ្លូវឈាម» ។