ឯកឧត្តម រដ្ឋមន្ត្រី ជា សុមេធី និងលោកជំទាវ ជា ផល្គុន ព្រមទាំងថ្នាក់ដឹកនាំ បានអញ្ជើញចុះសួរសុខទុក្ខ និងនាំយកអំណោយមនុស្សធម៌ប្រគល់ជូន វីរៈកងទ័ពដែលបានរងរបួស ក្នុងសមរភូមិប្រយុទ្ធ

នារសៀលថ្ងៃសៅរ៍ ទី០២ ខែសីហា ឆ្នាំ២០២៥នេះ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងលោកជំទាវ ជា ផល្គុន ជា សុមេធី ព្រមទាំងថ្នាក់ដឹកនាំ មន្ត្រីរាជការ បានអញ្ជើញចុះសួរសុខទុក្ខ និងបាននាំយកអំណោយមនុស្សធម៌ប្រគល់ជូន វីរៈកងទ័ព ដែលបានរងរបួស ក្នុងសមរភូមិប្រយុទ្ធ ដើម្បីបុព្វហេតុការពារជាតិ ការពារទឹកដីកម្ពុជា ពីការឈ្លានពានដោយកងទ័ពថៃ នៅមន្ទីរពេទ្យបង្អែកខេត្តឧត្ដរមានជ័យ។

ឯកឧត្តម រដ្ឋមន្ត្រី ជា សុមេធី សូមបង្ហាញពីការដឹងគុណ និងថ្លែមអំណរគុណយ៉ាងជ្រាលជ្រៅបំផុត ជូនវីរៈកងទ័ពកម្ពុជា ដែលបានតស៊ូប្រយុទ្ធការពារការឈ្លានពានពីខ្មាំងសត្រូវ។

ឯកឧត្តម រដ្ឋមន្ត្រី ជា សុមេធី សូមបួងសួងដល់វត្ថុស័ក្តិសិទ្ធិក្នុងលោក សូមតាមជួយប្រោះព្រំសព្ទសាធុការពរជ័យ ជូនចំពោះវីរៈកងទ័ពយើងទាំងអស់ ឲ្យឆាប់ជាសះស្បើយ និងមានសុខភាពល្អឡើងវិញ ដើម្បីជាសសរទ្រូងការពារជាតិ និងសូមបានសមប្រកប នឹងព្រះពុទ្ធពរទាំងបួនប្រការកុំបីឃ្លៀងឃ្លាតឡើយ ។

ក្នុងឪកាសនោះដែរ ឯកឧត្តម រដ្ឋមន្ត្រី ជា សុមេធី សូមអរគុណយ៉ាងជ្រាលជ្រៅចំពោះ ឯកឧត្តម លោកជំទាវ លោកឧកញ៉ា អ្នកឧកញ៉ា ឧកញ៉ា ជាសប្បុរសជនទាំងអស់ ដែលបានឧបត្ថម្ភជាសម្ភារៈប្រើប្រាស់ និងថវិកាផ្ទាល់ខ្លួន ចូលរួមជាមួយ ក្រសួងសង្គមកិច្ច អតីតយុទ្ធជន និងយុវនីតិសម្បទា នេះសបញ្ជាក់អោយឃើញ ពីទឹកចិត្តប្រពៃថ្លៃថ្លារបស់ប្រជាជនខ្មែរ។