ព្យុះ Kajiki ដែលបង្កឱ្យមានការបាក់ដី និងទឹកជំនន់ បានសម្លាប់មនុស្សយ៉ាងហោចណាស់ ៨នាក់ នៅវៀតណាម និងថៃ

 ព្យុះ Kajiki ដែលបង្កឱ្យមានការបាក់ដី និងទឹកជំនន់ បានសម្លាប់មនុស្សយ៉ាងហោចណាស់ ៨នាក់ នៅវៀតណាម និងថៃ។ នេះបើតាមការបញ្ជាក់របស់អាជ្ញាធរនៅក្នុងថ្ងៃទី២៧ ខែសីហា។

TTN-Free-Banner-In-Article-PC

ចាប់តាំងពីថ្ងៃទី២៥ ខែសីហា ព្យុះ Kajiki បានបោកបង់លើវៀតណាម ឡាវ និងថៃ ហើយបានបង្កឱ្យមានការបាក់ដី និងទឹកជំនន់។ ក្នុងកិច្ចសម្ភាសជាមួយទីភ្នាក់ងារព័ត៌មាន Reuters អាជ្ញាធរថៃ និងវៀតណាម បានអះអាងថា ព្យុះ Kajiki បានសម្លាប់មនុស្ស ៨នាក់ ដោយក្នុងនោះ ថៃមានម្នាក់ និងវៀតណាម មាន៧នាក់។ 

តាមការបញ្ជាក់របស់នាយកដ្ឋានទប់ស្កាត់ និងកាត់បន្ថយគ្រោះមហន្តរាយថៃ កម្រិតភ្លៀងធ្លាក់ខ្លាំង បាន ធ្វើឱ្យមានទឹកជំនន់ និងបាក់ដី នៅក្នុងខេត្តចំនួន ៨ ហើយប៉ះពាល់ដល់ពលរដ្ឋប្រមាណ ១៨០ គ្រួសារ។ 

ចំណែកនៅវៀតណាម ព្យុះមួយនេះ ក៏បានបង្កឱ្យមានជាទឹកជំនន់ ហើយប៉ះពាល់ដល់ផ្ទះ និងការិយាល័យ ប្រមាណ ១ម៉ឺនកន្លែង រួមទាំងដីស្រែ និងចម្ការប្រមូលផលច្រើនជាង ៨៦ហិកតា។ នេះបើតាមសេចក្តីថ្លែងការណ៍របស់រដ្ឋាភិបាលវៀតណាម ចេញនៅថ្ងៃទី២៧ ខែសីហា។ 

ទន្ទឹមនេះ ព្យុះដដែល បានធ្វើឱ្យដាច់អគ្គិសនី និងប៉ះពាល់ដល់ប្រជាជនប្រមាណ ១,៦លាននាក់ ដោយភាគច្រើនមាននៅក្នុងខេត្ត Ha Tinh និងខេត្ត Nghe An៕