សម្ដេចតេជោ បន្តតាមដាន ការអនុវត្តបទឈប់បាញ់ រហូតស្ថានការណ៍ វិលមករកសភាពដើមវិញ

សម្ដេចតេជោ ហ៊ុន សែន អះអាងពីការ នៅបន្តតាមដានការអនុវត្តកិច្ចព្រមព្រៀងបទឈប់បាញ់រវាងភាគីកម្ពុជា-ថៃ រហូតដល់សភាពការណ៍ វិលមករកភាពប្រក្រតីវិញ។

ជាមួយគ្នានឹងការថ្លែងអរគុណដល់កងកម្លាំងកម្ពុជា ដែលគោរពអនុវត្តបទឈប់បាញ់បានល្អ សម្តេចតេជោ ប្រធានព្រឹទ្ធសភា ក៏បានអរគុណដល់អនុព័ន្ធយោធា នៃបណ្តាប្រទេសនានា រួមនឹងអ្នកសារព័ត៌មានបរទេសមួយចំនួម ដែលទៅ

ពិនិត្យស្ថានភាពផ្ទាល់ ដល់ព្រំដែនកម្ពុជា-ថៃ។ 

ទន្ទឹមគ្នានេះដែរ សម្តេចតេជោ ហ៊ុន សែន ជឿជាក់ថា ទាំងប្រជាជនកម្ពុជា និងប្រជាជនថៃ ពិតជាចង់បានសន្តិភាពដូចគ្នា។

តាមរយៈបណ្ដាញសង្គម នាល្ងាចថ្ងៃទី៣០ ខែកក្កដា ឆ្នាំ២០២៥ សម្តេចអគ្គមហាសេនាបតីតេជោ ហ៊ុន សែន បានលើកឡើងថា ៖«បន្តតាមដានការអនុវត្តកិច្ចព្រមព្រៀង

ឈប់បាញ់សម្រាប់ថ្ងៃទី២។

សូមកោតសរសើរកងកម្លាំងប្រដាប់

អាវុធគ្រប់ប្រភេទរបស់កម្ពុជាដែល

គោរពអនុវត្តកិច្ចព្រមព្រៀងឈប់បាញ់

បានយ៉ាងល្អ។

សូមអរគុណចំពោះអនុព័ន្ធយោធានៃ

បណ្តាប្រទេសដែលបានអញ្ជើញទៅ

ពិនិត្យផ្ទាល់ដល់ព្រំដែនកម្ពុជា-ថៃក្នុងទឹកដីកម្ពុជា។

សូមអរគុណផងដែរ ដល់ក្រុមអ្នកយក

ព័ត៌មាននៃទូរទស្សន៍សិង្ហបុរីCNA

ដែលចុះទៅយកព័ត៌មាននៅខេត្តជាប់

ព្រំដែនដោយផ្ទាល់។

បំណងប្រាថ្នាពិតប្រាកដរបស់ប្រជាជនកម្ពុជា គឺសន្តិភាពហើយខ្ញុំក៏ជឿជាក់ថា ប្រជាជនថៃក៏ចង់បានសន្តិភាពដូចគ្នាដែរ។ 

ខ្ញុំនឹងអង្គុយនៅទីនេះ រហូតដល់សភាពការណ៍វិលមករកភាពប្រក្រតីវិញ។ខ្ញុំសង្ឃឹមថា ខ្ញុំនឹងមិនមានជំងឺនិងគ្មានសិទ្ធិឈឺក្នុងពេលដែលជាតិនិងប្រជាជនកម្ពុជាកំពុងជួបការលំបាក»៕