ស្នងការនគរបាលខេត្តសៀមរាប ដឹកនាំបញ្ជាដាក់ពង្រាយកម្លាំង ការពារសន្តិសុខ សុវត្ថិភាព ជូនលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត

ខេត្តសៀមរាប៖ នៅថ្ងៃអង្គារ ទី២៩ ខែកក្កដា ឆ្នាំ២០២៥ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប បានអញ្ជើញដឹកនាំបញ្ជា និងដាក់ពង្រាយកម្លាំងសម្រួលចរាចរណ៍ ការពារសន្តិសុខ សុវត្ថិភាព និងសណ្តាប់ធ្នាប់ ជូន លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ដែលបានអញ្ជើញចុះជួបសួរសុខទុក្ខ និងនាំយកស្បៀងអាហារ គ្រឿងឧបភោគបរិភោគ ព្រមទាំងរបស់របរប្រើប្រាស់ចាំបាច់ជាច្រើនចែកជូនដល់បងប្អូនប្រជាពលរដ្ឋដែលកំពុងភៀសសឹកពីតំបន់មានជម្លោះព្រំដែនកម្ពុជា-ថៃ នៅក្នុងជំរំសុវត្ថិភាព ដែលមានចំនួន៣ទីតាំងក្នុងខេត្តសៀមរាបរួមមាន៖ មណ្ឌលសុវត្ថិភាពក្នុងបរិវេណវត្តខ្នារតេជោ ស្ថិតនៅក្នុងភូមិខ្នារ ឃុំជន្លាស់ដៃ ស្រុកក្រឡាញ់ ចំនួន ១ ០០០ គ្រួសារ ស្មើនឹង ៣ ៨៦៨នាក់ មណ្ឌលសុវត្ថិភាពក្នុងបរិវេណវត្តចារឈូក ស្ថិតក្នុងភូមិជូនស្វា ឃុំចារឈូក ស្រុកអង្គរជុំ មានចំនួន៤០០គ្រួសារ ស្មើនឹង ១ ២៨៩នាក់ និងមណ្ឌលសុវត្ថិភាពក្នុងបរិវេណវត្តជ្រោយនាងងួន ដែលស្ថិតនៅក្នុងភូមិជ្រោយនាងងួន ឃុំជ្រោយនាងងួន ស្រុកស្រីស្នំ ខេត្តសៀមរាប ចំនួន១ ០០០គ្រួសារ ស្មើនឹង ៣ ១៧៨នាក់៕

ប្រភព៖ ស្នងការដ្ឋាននគរបាលខេត្តសៀមរាប