អភិបាលខេត្តបន្ទាយមានជ័យ បន្តនាំយកអំណោយសម្តេចមហាបវរធិបតី និងលោកជំទាវ ជូនដល់បងប្អូនជនភៀសសឹក ចំនួន៥៤៨គ្រួសារ នៅស្រុកថ្មពួក

ខេត្តបន្ទាយមានជ័យ៖ ឯកឧត្ដម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ តំណាងដ៏ខ្ពង់ខ្ពស់ឯកឧត្ដម ឌិត ទីណា រដ្ឋមន្ត្រីក្រសួងកសិកម្ម រុក្ខប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ និងមានការចូលរួមពីឯកឧត្ដម ប្រាក់ ដាវីដ រដ្ឋលេខាធិការ ក្រសួងកសិកម្មរុក្ខប្រមាញ់ និងនេសាទ និងជាប្រធានក្រុមការងារចុះមូលដ្ឋានស្រុកថ្មពួក បានអញ្ជើញចុះសួរសុខទុក្ខ នាំយកអំណោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ជូនដល់បងប្អូនជនភៀសសឹក ចំនួន៥៤៨គ្រួសារដែលជម្លៀសខ្លួនពីតំបន់សមរភូមិមុខនៅឧត្តរមានជ័យ និងឃុំជាប់ព្រំដែន ក្នុងភូមិសាស្រ្តស្រុកថ្មពួក ទីតាំងសុវត្ថិភាព នៅក្នុងទីរួមស្រុក ធ្វេីឡើងនាព្រឹកថ្ងៃព្រហស្បតិ៍ ទី៣១ ខែកក្កដា ឆ្នាំ ២០២៥។

សូមបញ្ជាក់ថា ជនភៀសសឹកទាំង ៥៤៨គ្រួសារ ដោយក្នុងមួយគ្រួសារទទួលបាន អង្ករ២៥គីឡូក្រាម, ទឹកសុទ្ធវីតាល់១កេស, មី១កេស, ទឹកត្រី១យួរ, ទឹកស៊ីអុីវ១យួរ និងត្រីខ១យួរ៕

ប្រភព៖ រដ្ឋបាលខេត្តបន្ទាយមានជ័យ