នគរបាលស្រុកឯកភ្នំនាំខ្លួនអ្នកលេ.ងល្បែ.ងស៊ីស.ងដោយខុ.សច្បាប់០៧នាក់ អប់រំណែនាំក្នុងមូលដ្ឋាន

 

 ខេតបាត់ដំបង ៖ នៅថ្ងៃទី៣០ ខែមិថុនា ឆ្នាំ២០២៥ វេលាម៉ោង១៥និង០០នាទី កម្លាំងអធិការដ្ឋាននគរបាលស្រុកឯកភ្នំ ដឹកនាំដោយលោ កវរ សេនីយ៍ឯក ឡុង យោធាវីរ: អធិការនគរបាលស្រុកឯកភ្នំ បានចុះបង្រ្កាបករណីលេងល្បែងស៊ីសងដោយខុសច្បាប់ (បៀរ) ០១លើក នៅចំណុចភូមិដួងមា ឃុំព្រែកនរិន្ទ ស្រុកឯកភ្នំ ខេត្តបាត់ដំបង ។ ក្នុងកិច្ចប្រតិបត្តិការនេះ សមត្ថកិច្ចបានឃាត់ខ្លួនមនុស្សបានចំនួន ០៧នាក់ ១-ឈ្មោះ សាំង សារឿត ហៅសាកើច ភេទស្រី អាយុ ៣៣ឆ្នាំមានទីលំនៅភូមិរហាលសួង ឃុំព្រែកនរិន្ទ ស្រុកឯកភ្នំ ខេត្តបាត់ដំបង, ២-ឈ្មោះ រឿន គន់ ភេទស្រី អាយុ ៥៦ឆ្នាំ មានទីលំនៅភូមិដួងមា ឃុំព្រែកនរិន្ទ ស្រុកឯកភ្នំ ខេត្តបាត់ដំបង, ៣-ឈ្មោះ អៀង សោភា ភេទស្រី អាយុ ៣៩ឆ្នាំ មានទីលំនៅភូមិរហាលសួង ឃុំព្រែកនរិន្ទ ស្រុកឯកភ្នំ ខេត្តបាត់ដំបង, ៤-ឈ្មោះ ភន គន្ធា ភេទស្រី អាយុ ៣៦ឆ្នាំ មានទីលំនៅភូមិដួងមា ឃុំព្រែកនរិន្ទ ស្រុកឯកភ្នំ ខេត្តបាត់ដំបង, ៥-ឈ្មោះ ផៃ ស្រីម៉ៅ ភេទស្រី អាយុ ៣៨ឆ្នាំ មានទីលំនៅភូមិដួងមា ឃុំព្រែកនរិន្ទ ស្រុកឯកភ្នំ ខេត្តបាត់ដំបង, ៦-ឈ្មោះ ថៃ រុំ ភេទស្រី អាយុ ៥៥ឆ្នាំ មានទីលំនៅភូមិដួងមា ឃុំព្រែកនរិន្ទ ស្រុកឯកភ្នំ ខេត្តបាត់ដំបង និង៧-ឈ្មោះ វុន ហាន់ឡុង ភេទប្រុស អាយុ ៣៧ឆ្នាំ មានទីលំនៅភូមិរាជដូនកែវ ឃុំព្រែកនរិន្ទ ស្រុកឯកភ្នំ ខេត្តបាត់ដំបង នាំមកកាន់អធិការដ្ឋាននគរបាលស្រុកឯកភ្នំ ។

វត្ថុតាងដកហូតបានរួមមាន៖ បៀរចំនួន ០១ហ៊ូ និងកំរាលចំនួន ០១ផ្ទាំង ។

ពេលនាំខ្លួនមកធ្វើការសាកសួរនៅអធិការដ្ឋានរួចមក អ្នកលេងល្បែងស៊ីសងខុសច្បាប់ទាំង០៧នាក់ ខាងលើត្រូវបានធ្វើការអប់រំ និងកិច្ចសន្យាឱ្យបញ្ឈប់សកម្មភាពនេះបន្តទៀតរួចអនុញ្ញាតឱ្យគ្រួសារមកធានាត្រឡប់ទៅមូលដ្ឋានវិញ៕