មេដឹកនាំកំពូលអ៊ីរ៉ង់ប្រកាសមិនព្រមចុះចាញ់និងព្រមានទៅលោកដូណាល់ ត្រាំ

លោកAyatollah Ali Khameneiមេដឹកនាំ​កំពូលរបស់ប្រទេសអ៊ីរ៉ង់ បានចេញមក​ប្រកាស​ឆ្លើយតប នៅចំពោះមុខការចោម​រោមកម្ទេចកម្មវិធីនុយក្លេអ៊ែរអ៊ីរ៉ង់ ពីប្រទេស​ដទៃ។ លោកKhameneiបាននិយាយនៅក្នុងសារមួយតាមទូរទស្សន៍រដ្ឋ នៅថ្ងៃទី១៨ខែមិថុនា ដែលជាថ្ងៃទី៦នៃសង្រ្គាមតាមផ្លូវអាកាសដ៏សាហាវទល់នឹងអ៊ីស្រាអែល ថា អ៊ីរ៉ង់នឹងមិនចុះ​ចាញ់​ឡើយ បន្ទាប់ពីការព្រមានរបស់ប្រធានា​ធិបតីអាមេរិកលោកដូណាល់ ត្រាំ។

មិនតែប៉ុណ្ណោះ លោកKhamenei ក៏បានបោះពាក្យព្រមានទៅលោកដូណាល់ ត្រាំ អំពី ការខូចខាតដែលមិនអាចជួសជុល​បាន ប្រសិនបើក្រុងវ៉ាស៊ីនតោន សម្រេចចិត្ត​ចូលរួមជាមួយអ៊ីស្រាអែល ដើម្បីកំណត់គោល​ដៅ វាយប្រហារលើទីតាំងនុយក្លេអ៊ែរក្រោ​មដីរបស់ខ្លួន។ ជាមួយគ្នានោះ លោកKhameneiក៏ប្តេជ្ញាថាប្រទេសរបស់លោក នឹងមិនអត់ឱនឱ្យនាយករដ្ឋមន្រ្តីអ៊ីស្រាអែល លោកបេនចាមីន នេតាន់យ៉ាហ៊ូនោះទេ។